Уварванне з Беларусі: палітолаг назваў галоўную прыкмету

• 13.01.2023, 12:51

Інспекцыя расейскага генерала можа мець таемную мэту.

Прыезд прэзідэнта Расеі Уладзіміра Пуціна да Лукашэнкі не будзе сведчыць аб магчымасці паўторнага наступу ва Украіну з поўначы. Арыентавацца трэба на іншыя прыкметы.

Пра гэта «24 каналу» распавёў палітолаг Уладзімір Фясенка. Паводле ягоных слоў, візіты расейскіх дзяржаўных або вайсковых асоб не з'яўляецца ключавым фактарам.

Уладзімір Фясенка адзначыў, што аб рэальнай пагрозе з Беларусі могуць сведчыць іншыя прыкметы.

«Ключавы паказчык магчымасці наступлення - гэта значнае ўзмацненне ваеннай групоўкі менавіта Расеі ў Беларусі», - растлумачыў ён.

Паводле яго слоў, беларускія вайскоўцы самастойна або пры наяўнасці пэўнай часткі расейскага войска ў наступленне не пойдуць.

На думку Фясенкі, рэальную пагрозу для Украіны можа прынесці перакідванне расейцамі ў Беларусь і тэхнікі, і саміх вайскоўцаў.

«Так, гэта будзе сведчаннем магчымасці новага наступлення», - дадаў ён.

Палітолаг расказаў, што пакуль расейцы часта дыслакуюць толькі вайсковую тэхніку з Беларусі на Усход, гэта значыць на Данбас, дзе расейцам на лініі фронту яе не стае.

Таксама ён адзначыў, што зараз расейскае кіраўніцтва спрабуе інспектаваць сваё войска на тэрыторыі Беларусі. Не выключана, што гаворка ідзе аб таемных перамовах з беларускімі вайскоўцамі аб іх далейшым удзеле ў вайне.

«Калі Беларусь і будуць уцягваць у вайну, то не зараз, а крыху пазней», - пракаментаваў Фясенка.

На думку палітолага, зараз можна гаварыць толькі аб падрыхтоўчых дзеяннях.