У Новай Кахоўцы раздаўся магутны выбух: у паветра ўзляцеў склад боепрыпасаў РФ

• 5.08.2022, 14:34

Аб'ект знішчаны ў выніку наўпроставага трапляння.

У пятніцу, 5 жніўня, у Новай Кахоўцы Херсонскай вобласці раздаўся магутны выбух. У паветра ўзляцеў чарговы расейскі склад з боепрыпасамі.

Пра гэта паведамляе «Страткам УСУ».

«Наўпроставае траплянне ў чарговы склад «гуманітаркі». Оркі носяцца па ўсім горадзе з вылупленымі вачыма і поўнымі ад страху штанамі. Ідуць сталыя ператрусы і праверкі мясцовых», - гаворыцца ў паведамленні.

Як дадаюць у «Страткаме», акупанты панічна шукаюць наводчыкаў, хоць гэтыя пошукі не даюць ніякіх вынікаў.