Байцы УСУ ліквідавалі расейскага верталётчыка-аса з групы «Беркут»

• 5.08.2022, 9:04

Палкоўнік ляцеў за штурвалам баявога верталёта Ка-52 «Алігатар».

На вайне ва Украіне ліквідаваны намеснік начальніка 344-га цэнтра баявога прымянення і перавучвання лётнага складу армейскай авіяцыі палкоўнік Васіль Клешчанка.

Аб чарговым «двухсотым» расейскім афіцэры паведаміў у Twitter палкоўнік УСУ, блогер Анатоль Штэфан (Шцірліц).

«Намеснік начальніка 344-га цэнтра БПіП лётнага складу вайсковай авіяцыі палкоўнік Васіль Клешчанка здзейсніў «крок добрай волі» - афіцыйна дэнацыфікаваўся і дэмілітарызаваўся», - гаворыцца ў паведамленні.

344-ы расейскі авіяцэнтр размешчаны на тэрыторыі горада Таржка Цвярской вобласці. У яго склад уваходзіць 696-ы інструктарскі выпрабавальны гелікаптэрны полк, у якім вядзецца падрыхтоўка лётчыкаў вышэйшай катэгорыі, а таксама замежных вайсковых спецыялістаў лётнага і тэхнічнага складу. Акрамя гэтага, на базе цэнтра дзейнічае пілатажная група на баявых гелікаптэрах Мі-24 - «Беркуты».

У палку таксама праводзяцца выпрабаванні ўсіх сучасных мадэляў і мадыфікацый расейскай вайсковай гелікаптэрнай тэхнікі.

Ліквідаваны акупант Васіль Клешчанка ў 2021 годзе браў удзел у парадзе да 9 траўня. Расейскі палкоўнік ляцеў за штурвалам баявога верталёта Ка-52 «Алігатар».