Агучаныя новыя звесткі што да стратаў расейцаў у вайне з Украінай
- 13.03.2022, 10:44
Акупанты з кожным днём страчваюць усё больш тэхнікі і жывой сілы.
З пачатку поўнамаштабнага наступу Расеі на Украіну з 24 лютага і да 13 сакавіка акупанты страцілі арыентыровачна 12 тысяч чалавек асабовага складу.
Пра гэта паведамілі ў Генеральным штабе Узброеных Сіл Украіны. Прыкметна, што акупанты з кожным днём нясуць новыя вялікія страты.
Агульныя баявыя страты ворага:
асабовага складу - больш за 12 тысяч чалавек;
танкаў - 374 адзінкі;
баявых браніраваных машын - 1 226 адзінак;
артылерыйскіх сістэм - 140 адзінак,
РСЗА - 62,
сродкаў СПА - 34,
самалётаў - 74,
гелікоптэраў - 86,
аўтамабільнай тэхнікі - 600,
караблёў/катараў - 3,
цыстэрнаў з ГЗМ - 60,
БПЛА аператыўна-тактычнага ўзроўню - 7 адзінак.
Адзначым, што інфармацыя яшчэ ўдакладняецца, бо праз інтэнсіўныя баі лічыць дакладна - цяжка.