У Марыупалі раздаўся магутны выбух на рамонтнай базе войска РФ

• 17.11.2022, 14:47

Узляцела ў паветра цяжкая тэхніка акупантаў.

У чацвер, 17 лістапада, у Марыупалі раздаўся магутны выбух на рамонтнай базе расейскіх акупантаў. У выніку выбуху здэтанавалі боепрыпасы.

Пра гэта паведамляе ў Telegram дарадца мэра Марыупаля Пётр Андрушчанка.

«Прыблізна а 10:56 у левабярэжным раёне на рамонтнай базе акупантаў, размешчанай паміж вул. Азоўстальскай і с. Вінаградным раздаўся магутны выбух. Паведамляюць аб дэтанацыі БК пры рамонтных працах з цяжкай тэхнікай», - напісаў ён.

З ягоных слоў, на месца здарэння ўжо прыбываюць ратавальнікі і «хуткія». Звесткі аб стратах ворага ўдакладняюцца.

«Крыніцы Марыупальскага Супраціву паказваюць на недарэкаў акупантаў, як прычыну выбуху. Калі акупанты ліквідуюць самі сябе - гэта падвойны поспех і задавальненне», - дадаў ён.