Наталля Радзіна: Гэтая вестка надзеяй разнясецца па ўсіх турмах і калоніях Беларусі

• 7.10.2022, 12:46

Нобэлеўская прэмія міру Алесю Бяляцкаму - падтрымка для ўсіх нашых палітвязняў.

Беларускі праваабаронца і палітвязень Алесь Бяляцкі стаў лаўрэатам Нобэлеўскай прэміі міру.

Галоўная рэдактарка Charter97.org Наталля Радзіна пракаментавала гэтую навіну:

— Нобэлеўская прэмія міру беларускаму праваабаронцу Алесю Бяляцкаму - гэта не толькі даніна ягонай мужнасці, гэта падтрымка ўсіх нашых палітвязняў, усіх, хто сёння знаходзіцца ў беларускіх турмах у нечалавечых умовах.

Цяпер гэтая вестка надзеяй разнясецца па ўсіх турмах і калоніях Беларусі. Гэта яшчэ і сігнал усім «вертухаям», што іх час заканчваецца.

Жыве вольная Беларусь!