Беларуска Вера Лапко перамагла ў турніры ITF у Славакіі

• 31.10.2022, 9:39

Беларуская тэнісістка перамагла чэшку Луцыю Гаўлічкову.

Беларуская тэнісістка Лапко падолела ў Трнава прадстаўніцу Чэхіі Луцыю Гаўлічкову з лікам 4:6, 7:6, 6:2 і здабыла тытул.

Турнір ITF - другі паводле значнасці жаночы прафесійны тэнісны тур.

Спаборніцтвы тура з'яўляюцца прамежкавай прыступкай паміж юніёрскімі і аматарскімі турнірамі з аднаго боку і турнірамі WTA з другога боку. ITF, санкцыянуючы і гэты і юніёрскі тур, мае магчымасць дадаткова прэміраваць найлепшых юніёраў спецыяльнымі запрашэннямі на буйныя спаборніцтвы гэтай серыі. Турніры серыі маюць прызавы фонд ад $15 тысяч да $100 тысяч.