Каранавірус: Як самастойна прайсці карантын

• 10.03.2020, 10:52

Некалькі простых правілаў.

Ніхто дакладна не ведае, які маштаб эпідэмія каранавірусу набудзе ў наступныя месяцы. Можа здарыцца так, што многім людзям, якія кантактавалі з хворымі або самі захварэлі, давядзецца праходзіць карантын. Сёння такі захад ужо ўведзены ў многіх еўрапейскіх краінах і ЗША, паведамляе «Радыё Свабода».

Кантакцёрам, хворым і тым, хто падазрае, што меў зносіны і можа быць заразны, рэкамендуюць 14-дзённы карантын.

Гэта можа быць складана і непрыемна, асабліва калі вы жывяце ў цесных памяшканнях, калі ў вас ёсць маленькія дзеці або пажылыя сваякі, пра якіх трэба клапаціцца. Вось некалькі парадаў, што і як трэба рабіць, каб не заразіць іншых і палегчыць сабе жыццё.

Асноўнае

1. Аддзяленне. Калі вы патэнцыйна заразныя, важна аддзяліць сябе ад партнёра, дзяцей, старых і суседзяў у доме. Каб захаваць бяспеку, нельга нават пагладжваць сваю сабаку ці ката, хоць уважаецца, што жывёлы каранавірус не пераносяць.

2. Для вас павінен быць вылучаны асобны пакой, ідэальна – і свой ванны пакой, бо кожная паверхня, да якой вы датыкаецеся, можа быць заразнай.

3. У вас не павінна быць наведвальнікаў, калі вы з кімсьці размаўляеце, той не павінен быць бліжэй, чым 1-2 метра ад вас.

4. Не выкарыстоўвайце, у выпадку крайняй неабходнасці, метро, аўтобус, тралейбус, трамвай або таксі.

5. Калі вы едзеце да лекара на сваім аўтамабілі з кім-небудзь з сваякоў, выкарыстоўвайце маску. Тое самае і пра кантактах дома. Калі маскі няма, можна выкарыстоўваць шалік або хустку.

Гігіена

1. Калі вы кашляеце або чхаеце, трэба прыкрываць рот і нос сурвэткай, пасля адразу яе выкідваць і мыць рукі з мылам цягам не менш як 20 секундаў.

2. Можна выкарыстоўваць дэзынфецыйныя сродкі, але мыла і вада – лепш.

3. Нават калі вы не кашляеце і не чхаеце, трэба часта мыць рукі і пазбягаць дакрананняў да вачэй, носа і рота.

Дэзынфекцыя

1. Ні з кім, у тым ліку з свойскімі жывёламі, не дзяліцеся посудам – талеркамі, шклянкамі, кубкамі, сталовымі прыборамі, а таксама ручнікамі і пасцельнымі рэчамі. Мыйце ўсё гэта пасля заканчэння ўжывання.

2. Усе паверхні, да якіх вы датыкаецеся – дзвярныя ручкі, сталы, тэлефон, клавіятура, тумбы і г.д. – трэба праціраць побытавымі мыйнымі сродкамі.

3. Таксама часта працірайце паверхні ў прыбіральні.

Маніторынг

1. Трэба сачыць за сваім станам здароўя. Калі з'яўляюцца сімптомы прастуднага ці інфекцыйнага захворвання, выклікайце лекара і абавязкова паведамце яму, што ў вас ёсць рызыка заражэння каранавірусам.

2. Вашы блізкія і дзеці могуць хадзіць на працу і ў школу, але іх задачай будзе назапасіцца прадуктамі харчавання, выпісаць рэцэпты, клапаціцца пра пільнасць карантыну і трымаць памяшканні ў чысціні.

3. Яны таксама павінны праціраць дзвярныя ручкі ды іншыя паверхні ў сваіх памяшканнях.

4. Партнёр, іншыя блізкія і дзеці павінны сачыць за станам вашага здароўя і своечасова выклікаць хуткую дапамогу або ўчастковага лекара.

5. Тыя, хто даглядае за хворым, павінны насіць маску і гумовыя пальчаткі на руках у тым выпадку, калі яны кантактуюць з біялагічнымі вадкасцямі хворага. Пальчаткі трэба неадкладна выкідваць і ніколі не выкарыстоўваць паўторна.

6. Пажылыя чальцы сям'і і людзі з хранічнымі захворваннямі рызыкуюць атрымаць сур'ёзныя ўскладненні, нават памерці, калі заразяцца. Таксама цяжарныя жанчыны маюць павышаную рызыку для здароўя. Кантакт з ізаляваным чалавекам павінен быць зведзены да мінімуму.

Паводле звестак Сусветнай арганізацыі аховы здароўя, у Кітаі ад 70 да 80 адсоткаў выпадкаў перадачы вірусу адбываецца ў сям'і. Тамтэйшыя органы ўлады былі вымушаныя стварыць ізалятары з тысячамі ложкаў у спартзалах і крытых стадыёнах, каб клапаціцца пра самотных людзей ці тых, хто мае рызыку заражэння чальцоў сваёй сям'і.