Еўрапол выкрыў нелегальны гандаль беларускімі цыгарэтамі ў Еўропе

• 22.12.2020, 17:24

Канфіскавана больш за 67 мільёнаў цыгарэт.

Еўрапейская паліцэйская арганізацыя Еўрапол паведаміла, што выкрыла маштабную схему ў нелегальным гандлі цыгарэтамі, паведамляе «Радыё Свабода».

Цыгарэты траплялі на чорны рынак Еўразвязу і Вялікай Брытаніі кантрабандай - у выніку краіны гублялі мільёны еўраў падаткаў.

Еўрапол паведамляе пра такія вынікі аперацыі, праведзенай з 2 да 13 лістапада:

Затрымана 17 падазраваных.

Канфіскаваныя 67 мільёнаў цыгарэт і 2,6 тоны тытуню агульным коштам амаль 36 мільёнаў еўраў. 88% канфіскаваных цыгарэт было выраблена ў Беларусі.

У Літве было канфіскавана 28,75 млн цыгарэт, у Вялікай Брытаніі - 9 млн, у Польшчы - 6 млн, у Ірландыі - 3,5 млн, у Румыніі - 2,2 млн, у Латвіі - 740 тысяч, у Швэцыі - 500 тысяч, у Харватыі - 150 тысяч.

Канфіскавалі 10 аўтамабіляў, якія выкарыстоўваліся для кантрабанды.