Dzieciuki запісалі кліп на песню з новага альбому

• 27.04.2019, 18:15

Здымкі кліпа праходзілі на хутары ля мяжы Польшчы, Беларусі і Літвы.

Напярэдадні вялікага сольнага канцэрта, які адбудзецца ў Менску ўжо ў гэтую нядзелю, 28 красавіка (квіткі тут), Dzieciuki прэзэнтавалі кліп на песню «Калі над лугам бусел праляцеў» з новага альбома «Радыё Harodnia», піша nn.by.

Песня на вершы Алеся Чобата, музыка - Аляксандра Дзянісава.

Здымкі кліпа праходзілі на хутары Чорная Бухта, ля мяжы Польшчы, Беларусі і Літвы. Працавала над ім суполка з Бэрліна: рэжысёр Робэрт Экштайн і аператар Клемэнс Юрк.