Лукашэнка заўтра паедзе ва Украіну

• 19.07.2017, 9:20

Беларускі дыктатар 20–21 лiпеня зробіць афіцыйны візіт ва Украіну.

Пра гэта паведамілі ў прэс-службе Лукашэнкі.

Праграмай візіту запланаваныя перамовы з прэзідэнтам Украіны Пятром Парашэнкам, якія пройдуць у фармаце сам-насам і ў пашыраным складзе.

Афіцыйна паведамляецца: што «кіраўнікі дзяржаваў абмяркуюць развіццё палітычнага, гандлёва-эканамічнага і гуманітарнага супрацоўніцтва паміж Беларуссю і Украінай. Асноўная ўвага будзе нададзена цяперашняму стану і перспектывам узаемадзеяння ў эканоміцы, у тым ліку ў такіх сферах, як гандаль, інвестыцыі, прамысловая кааперацыя, нафтахімічны комплекс, энэргетыка, сельская гаспадарка, транспартна-лагістычная галіна, развіццё міжрэгіянальнага дыялогу. Плануецца таксама ўзгадніць падыходы да далейшага развіцця памежнага супрацоўніцтва».