Нямецкія спецслужбы патрабуюць паўнамоцтваў для кібератак у адказ

• 10.01.2017, 15:30

У Нямеччыне не выключаюць, што падчас выбараў у Бундэстаг 2017 года магчымыя «спробы ўплыву звонку».

Кіраўнік установы аховы канстытуцыі Нямеччыны Ганс-Георг Маас заявіў, што нямецкай контрвыведцы неабходна даць магчымасць адказваць на хакерскія атакі. Як паведамляе DW, пра гэта ён сказаў у інтэрв'ю інфармагенцтву dpa.

«На нашу думку, нам неабходна не толькі звяртацца да чыста абарончых дзеянняў. Замест гэтага мы павінны быць у стане атакаваць ворага, каб ён спыніў атакаваць нас», - заявіў Маас.

Кіраўнік контрразведкі таксама не выключыў, што падчас правядзення выбараў у Бундэстаг у верасні гэтага года магчымыя «спробы ўплыву звонку».

Паводле ягоных слоў, наяўныя на сёння паўнамоцтвы не дазваляюць нямецкім спецслужбам, напрыклад, сцерці звесткі, атрыманыя хакерам, і перанесеныя ім на адзін з вонкавых сэрвераў.

«Таму ўзрастае небяспека таго, што шкода можа значна павялічыцца, бо, акрамя самога злачынцы, доступ да гэтых звестак атрымаюць яшчэ і трэція асобы», - растлумачыў Маас.

У сувязі з гэтым ён намагае на наданні спецслужбам прававой магчымасці сцерці гэтыя звесткі для папярэджання будучай пагрозы.

Акрамя таго, ён прызнае неабходным стварэнне прававога механізму, які дазволіў бы «абясшкодзіць інфраструктуру, з якой учыняюць напад, адкуль паступаюць сур'ёзныя пагрозы для кібербяспекі».