Парламент Венесуэлы абвясціў імпічмент Мадура

• 10.01.2017, 7:59

Дэпутаты прызналі Мадура «пакінуўшым пасаду» праз яго бяздзейнасць у барацьбе з крызісам.

Парламент Венесуэлы прыняў пастанову аб тым, што прэзідэнт краіны Нікалас Мадура «пакінуў сваю пасаду», паведамляе AFP (пераклад – inforesist.org).

Паводле Канстытуцыі краіны, такая пастанова з'яўляецца падставай для адстаўкі кіраўніка дзяржавы.

Са слоў спікера парламента Хуліа Борхеса, дэпутаты прызналі Мадура «пакінуўшым пасаду» праз яго бяздзейнасць у барацьбе з крызісам.

У выпадку адстаўкі Мадура новыя выбары прэзідэнта могуць быць прызначаныя толькі да пачатку другой паловы яго тэрміну, які, як піша Fox News, пачнецца 10 студзеня. У адваротным выпадку абавязкі кіраўніка дзяржавы пяройдуць віцэ-прэзідэнту.

У Венесуэле некалькі гадоў працягваецца эканамічны крызіс, які прывёў да недахопу прадуктаў харчавання і тавараў першай неабходнасці.

У снежні 2015 года апазіцыя выйграла парламенцкія выбары. З таго часу парламент робіць крокі для адстаўкі Нікаласа Мадура — між іншым, быў пачаты збор подпісаў для рэферэндуму аб ягонай адстаўцы. Суд спыніў гэтую працэдуру.