Уначы ў Менску кіроўца зладзіў гонкі з ДАІ

• 4.07.2016, 9:55

Позна ўвечары 2 ліпеня на вуліцы Арлоўскай была пагоня.

Супрацоўнікі ДАІ пераследавалі аўтамабіль, кіроўца якога не хацеў спыняцца. Урэшце ён, спрабуючы ўцячы, урэзаўся ў BMW, якому проста не пашчасціла апынуцца не ў той час і не ў тым месцы. Ліхача затрымалі.

Відавочцам аварыі стаў карыстальнік форуму Onliner з нікам badmotherfucka. Ён апублікаваў відэа з рэгістратара, якое яму даў кіроўца таксі.

- Аварыя адбылася 2 ліпеня а 23:10 у раёне скрыжавання са Старавіленскага тракту, як раз у раёне РУУС Цэнтральнага раёна. Ехалі па вуліцы Арлоўскай у напрамку плошчы Бангалор. У крайняй правай паласе быў BMW 3-Series, - распавёў сведка. - А кіроўца блакітнага аўто па гэтаму шэрагу ўцякаў ад ДАІ. Ён, мабыць, думаў паскорыцца і праскочыць перад BMW, але не паспеў і ўрэзаўся ў бок.

Ад удару аўтамабілі раскідала па праезнай частцы: блакітную машыну вінаватага аварыі - да ходніка, а BMW - у крайнюю левую паласу.

- Ліхач - малады хлопец, яго там і затрымалі. А ў BMW ехалі хлопец з дзяўчынай. Хлопец за стырном, здаецца, не пацярпеў, максімум удары. А вось дзяўчына - не ведаю. Як раз з яе боку быў удар, шкло пасыпалася, - дадаў badmotherfucka.