Расея ўвядзе санкцыі супраць Украіны з 1 студзеня

• 21.12.2015, 14:07

Прэм'ер Расеі Дзмітрый Мядзведзеў падпісаў пастанову аб уключэнні Украіны ў спіс краін, у дачыненні да якіх дзейнічае прадуктовае эмбарга.

Гэта захады на адказ аб далучэнні да санкцый супраць Расеі, адкладзеныя мінулым летам, піша РБК.

Прадуктовае эмбарга ў дачыненні да ўкраінскіх тавараў пачне дзейнічаць з 1 студзеня 2016 года.

«Адпаведную пастанову ўрада я толькі што падпісаў. З 1 студзеня 2016 года да Украіны будуць ужытыя на адказ эканамічныя захады ў сувязі з яе далучэннем да антырасейскіх санкцый Еўразвязу і ЗША», - заявіў Дзмітрый Мядзведзеў на нарадзе з віцэ-прэм'ерамі (цытата па «Інтэрфаксу»).

У жніўні 2015 у спіс краін, у дачыненні да якіх Расея ўвяла харчовае эмбарга, былі ўнесеныя Албанія, Чарнагорыя, Ісландыя, Ліхтэнштэйн і Украіна.

Пры гэтым у дачыненні да Украіны былі прадугледжаныя асаблівыя ўмовы ўвядзення эмбарга, яно павінна было ўвайсці ў дзеянне ў выпадку рэалізацыі Кіевам эканамічнай асацыяцыі з Еўразвязам, «але не пазней за 1 студзеня 2016 г».

У сярэдзіне лістападзе 2015 міністр эканамічнага развіцця Аляксей Улюкаеў нагадаў, што пастанова аб увядзенні прадуктовага эмбарга ў дачыненні да Украіны з 1 студзеня 2016 ужо прынятая. «Паколькі Украіна далучылася да санкцый супраць Расейскай Федэрацыі - эканамічных, фінансавых, мы прынялі пастанову аб ужыванні ахоўных захадаў у выглядзе харчовага эмбарга. Проста гэта пастанова мае адтэрмінаваны характар. Яна таксама адтэрмінаваная да 1 студзеня», - сказаў тады Улюкаеў.