Андрэю Саннікаву па-ранейшаму забаронена распавядаць пра сябе

• 22.03.2012, 16:23

C палітзняволеным кандыдатам у прэзідэнты ў калоніі «Віцьба-3» сустрэўся адвакат.

Лідару «Еўрапейскай Беларусі» па-ранейшаму забараняюць казаць пра ўмовы ўтрымання і пра сваё здароўе.

«Нягледзячы на гэтую сустрэчу, ніякай інфармацыі пра здароўе Саннікава і ўмовы ягонага ўтрымання няма. Як вядома, Саннікаву забараняюць пра гэта казаць пад пагрозай неадкладнага спынення сустрэчы», - сказала Ірына Халіп, жонка Андрэя Саннікава, у інтэрв'ю БелаПАН.