Нямецкую дырэктарку IBB Астрыд Зам не пусцілі ў Беларусь

• 19.03.2012, 15:33

Нямецкую дырэктарку менскага міжнароднага адукацыйнага цэнтра імя Ёханэса Рау не пусцілі ў Беларусь.

18 сакавіка ў нацыянальным аэрапорце Менск ёй патлумачылі, што яна неўязная, хоць і мае візу. Таму Астрыд Зам павінная была вылецець у Рыгу, перадае «Радыё Свабода».

У Беларусі Астрыд Зам трэба было абмеркаваць пытанні, звязаныя з падрыхтоўкай выставы па чарнобыльскай тэматыцы.