З 1 жніўня на 24% падаражэе звадкаваны газ на АЗС
- 29.07.2011, 10:43
У Беларусі c 1 жніўня на 24% будуць павышаныя рознічныя кошты на звадкаваны газ пры рэалізацыі на аўтамабільных газазаправачных станцыях.
Адпаведнае рашэнне змяшчаецца ў пастанове Міністэрства эканомікі ад 25 ліпеня 2011 года № 113, паведамляе АФН.
Лімітавы мінімальны кошт павышаны з 1900 за літр да 2370 рублёў, лімітавы максімальны з 2050 рублёў да 2550 рублёў.
Гэта ўжо другое падвышэнне коштаў на газ у бягучым годзе: у красавіку яны былі павялічаны на 35%.