Байкова застанецца за кратамі яшчэ на 2 месяцы

• 24.06.2010, 17:42

Генпракурор Беларусі 24 чэрвеня падоўжыў тэрмін утрымання пад вартай следчага па найважнейшых справах Генпракуратуры.

Святлана Байкова застаецца пад вартай яшчэ на 2 месяцы, паведамілі БелаПАН у Генпракуратуры.

Старшынём КДБ Вадзімам Зайцавым 24 лютага ў дачыненні Байковай былі ўзбуджаныя крымінальныя справы па прыкметах складаў злачынстваў, прадугледжаных артыкуламі 399, 426 Крымінальнага кодэкса, і ім жа да следчага была ўжытая мера стрымання ў выглядзе змяшчэння пад варту. Байкову падазраюць у злоўжыванні службовым становішчам падчас вядзення справаў высокапастаўленых чыноўнікаў.

Скончыць папярэдняе следства па крымінальнай справе ў дачыненні да Байковай мяркуецца да 24 жніўня.