Амбасада: Беларусы ўсё ж не пацярпелі ад выбухаў у Маскве

• 30.03.2010, 16:02

Інфармацыя пра тое, што ў тэрактах у маскоўскім метро пацярпела грамадзянка Беларусі, не пацвердзілася.

Пра гэта БелТА паведаміў прэс-сакратар амбасады Беларусі ў Расеі Віталь Сліўка.

Першапачаткова супрацоўнікі МНС зафіксавалі, што 30-гадовая Вольга Рудэнка з'яўляецца грамадзянкай Беларусі. Пазней высветлілася, што яна расейка.

Раніцай 29 сакавіка на станцыях маскоўскага метро «Лубянка» і «Парк Культуры» прагрымелі два выбухі з інтэрвалам у паўгадзіны. У выніку загінулі 39 чалавек, 12 целаў застаюцца яшчэ неапазнанымі. Апазнанне загінуўшых плануецца завяршыць на працягу сённяшняга дня. У маскоўскія бальніцы шпіталізаваны 71 пацярпелы.

У Маскве сёння аб'яўлены дзень жалобы.